發表於 27-1-2006 12:54 PM   資料  短消息 

「 轉 」三個好友不同既戀愛故事

人物介紹
小海（海天使）：靚女，青春活潑可愛，但性格男仔頭，鍾意玩，大膽；
　　　　　　　　當遇到感情問題就好怕羞
藍藍：校花一名，為人老實，諗到咩就講咩，讀書第一，但膽小怕事。
　　　　　　　　係小海既好朋友。
丹子：靚女，唔識以為斯文，識左就河東獅吼，粗粗魯魯，但夠義氣，
　　　　　　　　有咩事都會好幫手，亦係小海既好朋友
阿森：型英帥靚正，非佢莫屬，但係冇女朋友，因為覺得女仔好煩，\r
　　　　　　　　但係為人口花花，冇禮貌，最鍾意同小海鬥，籃球高手
阿天：靚仔一名，鍾意整蠱人，鍾意追女仔，打籃球好叻
阿豪：型仔一名，但唔靚仔，有ｄ內向，都係鍾意打籃球
阿鋒：丹子暗戀既人，有ｄ自閉
阿傑：小海既頭號ｆａｎｓ，好鍾意小海
黑翼：小海暗戀既神秘人，其實係．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

呢個故事係講三個女仔∼佢地大家同班ｇｅ∼\r
有好多人追∼但係佢地都唔鍾意∼\r
因為佢地各自追求唔同既戀愛方式∼\r
不過唔知佢地會唔會成功\呢？

係咁多人追既時候，佢地三個遇上三個轉校生．．\r
從而發生搞笑，鬥氣，離奇既劇情變化．．．
佢地既戀情又會係點發展呢？\r

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

發表於 27-1-2006 12:54 PM   資料  短消息 

小海：各位同學早晨呀！！

同學：早晨呀，小海！

小海：藍藍，丹子早晨呀！係度做緊咩呀？

藍藍：我地係度睇緊ｄ情信呀

小海：嘩！今日又有幾多封呀？

丹子：ｕｍ．．．不少於２０封丫，拿，呢ｄ你既

小海：我都有？唔係呀嘛？

藍藍：ｄ情信寫得好肉麻呀，我睇到都凍呀

丹子：我覺得ｄ男仔有ｄ白痴，咁多人寫比我地，又冇相，都唔知邊個打邊個，點覆佢地呢\r

小海：算啦，我地都唔會鍾意佢地既，我地要既係浪漫既邂逅，然後相戀\r

丹子：我先至唔係呀，我要既係英雄救美．．．

藍藍：唔好發夢喇，準備上堂啦

小海，丹子：好啦好啦

老師黎到既時候．．．．

老師：各位同學，今日我地班有三個插班生，希望大家好好同佢地相處，你地入黎啦\r

阿森：大家好，我叫周日森，大家可以叫我阿森或者森仔都得

阿天：你地好，我叫黃景天，大家可以叫我阿天或者係ｔｉｍ都得

阿豪：各位好，我叫馬建豪，大家可以叫我阿豪或者建豪

老師：好喇，你地去搵個位，然後坐低啦


上緊堂既時候．．．．

阿豪：你好，我叫阿豪呀，你呢？

丹子：你好，我叫丹子

阿豪：我今日ｏ岩ｏ岩黎呢間學校，有好多野都唔識，希望你多多指教

丹子：哦，好呀！（望過去阿鋒度，見到阿鋒望住）好喇，唔講喇，上堂啦

阿豪：你可唔可以借埋本書比我睇呀．．．我冇帶呀



阿天：哈囉，我叫ｔｉｍ，你呢

藍藍：．．．．．．

阿天：小姐，你叫咩名呀？

藍藍：．．．．．．

阿天：你．．唔係啞嫁可？

藍藍：請你安靜ｄ丫，宜家上緊堂ｇａ

阿天：對唔住．．．（望住藍藍本書）原來你叫藍芯，我可以叫你藍藍嘛？

藍藍：．．可以，但係你可唔可以唔好再講野呀，你影響到我上堂呀

阿天：對唔住，我唔再講野喇

發表於 27-1-2006 12:55 PM   資料  短消息 

阿森：喂，拎本書黎睇下啦

小海：乜你冇書咩？

阿森：如果唔係，點解要問你借姐

小海：你咁冇禮貌，都叫借呀？

阿森：咁你借唔借丫？

小海：唔借呀，咁冇禮貌！

阿森：你呢個咩女仔黎ｇａ，我假假地都係新同學丫，幫下同學都唔得？

小海：你都識講你係新黎ｇａ啦，你咁既態度，邊個理你呀

阿森咩都唔講，一手搶左小海本書，小海就同佢係咁爭本書\r

老師：你地係度做咩呀？！

小海：老師，佢搶我本書呀\r

阿森：老師，佢唔肯借比我睇呀，我又冇書ｗｏｒ\r

老師：小海，你唔似咁小氣ｗｏｒ，新同學冇書，借比佢睇都唔得？\r

小海：唔係呀，係佢冇禮貌之嘛\r

老師：你咩態度呀？！咁樣同老師講野？！同我抄手冊規則，聽日交，坐返低

阿森：仲借唔借比我呀？！下∼

小海：你要借丫嘛，借飽佢啦！（掉本書比佢\）

阿森：喂，你有冇搞．．（見到小海想喊）對唔住囉

小海：哼！
放學既時候．．．

小海：激死人喇．．激死人喇．．激死我喇！！！！！

藍藍：海，做咩咁嬲呀？

丹子：你咁都仲要問既，梗係頭先上堂既時候，比個新同學搶左本書，仲要比老師罰抄件事咩

小海：你唔好再大聲ｄ，話比全世界知丫，蠢！

丹子：對唔住囉，唔好咁嬲啦

藍藍：係囉！係囉！我地一齊去唱ｋ丫∼

丹子：好呀！好呀！

小海：你地去啦，我唔去喇

藍藍，丹子：．．．．．咁我地都唔去喇

小海：我走先喇．．

當小海轉身落樓梯既時候，咁ｏ岩有人上緊樓梯，佢地撞到正一正．．．\r

阿森：嘩！！想撞死人咩！

小海：好痛呀．．．乜係你呀？！

阿森：我仲以為邊個靚女撞埋黎添，原來係怪獸

小海：你講咩話？！

阿森：做咩呀？第一日見到我，一見鍾情，想投懷送抱呀？我唔受嫁喎

小海：你．．！你夠膽講多次丫拿！

阿森：咩呀？！我點會唔夠膽講呀？我驚你唔夠膽聽咋！怪獸！

阿傑：喂！新同學，你男仔黎ｇａ，有ｄ風度啦，話晒小海都係女仔丫，

　　　你做咩咁話佢姐，而且係你自己撞去佢\度咋喎

藍藍，丹子：係呀！係呀！

丹子：係你自己撞到佢先ｇａ！仲咁話人，你係咪男仔黎ｇａ？！\r

阿豪：係囉，阿森算啦，我地走啦，趕時間呀，你快ｄ道歉，就走喇

阿森：做咩呀你？你幫佢地講說話呀？\r

丹子（走去阿豪身邊拉住佢）：阿豪講得ｏ岩呀，你應該道歉呀！\r

阿森：阿豪，乜你同佢好熟嫁咩？！怪獸２號，你快ｄ放開阿豪呀！！\r

丹子：你話邊個怪獸呀！下！

藍藍：算啦．．算啦．．我地走啦

阿傑：夠喇！你地唔好再嘈啦，唔道歉就算啦，走吧啦！

小海（對阿森講）：見親你都冇好野嫁！正一瘟神！！

發表於 27-1-2006 12:55 PM   資料  短消息 

小海屋企．．．．．

小海返到屋企，沖完涼，飯都唔食，就等佢鍾意既人上線，呢個人叫黑翼，\r

佢地為左比多ｄ幻想既空間，就冇問大家叫咩名，住邊，讀邊間學校．．．．佢\黎喇．．

海天使：ｈｉ呀

黑翼：ｈｉ呀

海天使：做緊咩呀？

黑翼：冇呀，你呢？

海天使：我都冇呀，你食左飯未呀？

黑翼：食左喇，你呢？

海天使：食乜鬼丫，今日比人激親，食唔落呀！

黑翼：邊個咁衰，激親我既小公主呀？

海天使：我學校今日黎左個新同學，佢好乞人憎ｇａ！好眉好貌，\r

　　　　原來一ｄ禮貌都冇ｇａ！仲累到我比老師罰呀！

黑翼：咁慘呀？我今日同ｄ朋友一齊去做間學校做交換生，
　　　
　　　間學校ｄ女仔好煩ｇａ！又粗魯喎，一ｄ都唔似女仔既！

海天使：你都好慘喎，唉．．慘啦！佢仲要坐我隔離呀，有排行運啦！\r

黑翼：唔好咁嬲啦，講ｄ開心ｄ　ｇｅ野啦

海天使：好呀，有咩講呀？

黑翼：ｕｍ．．．我諗唔到呀

海天使：咁你又話講開心ｄ既野

黑翼：咁你嬲緊丫嘛

海天使：算啦，橫掂我都要抄書喇，聽日再傾丫

黑翼：咁好啦，抄完早ｄ休息喇

海天使：好呀，你都係呀！再見

Off左之後，小海又係度幻想緊黑翼究竟係咩樣，佢見到黑翼話佢\係自己既公主時，

開心到暈呀，好彩黑翼見唔到自己既樣咋，如果唔係．．．

嘩．．．一定比黑翼知，自己鍾意佢啦，唔知黑翼會點諗呢．．．．

發表於 27-1-2006 12:56 PM   資料  短消息 

第二日返到校學．．．．．．．．
小海：嘩．．好肚餓呀．．．．
藍藍：做咩呀你？尋日冇食飯呀？
小海：係呀．．．
丹子：嘩．．你減肥呀？
小海：梗係唔係啦．．．嬲到食唔落呀！
阿傑（行埋黎加把咀）：小海，做咩嬲到食唔落呀？
小海：鬼咩！返到屋企諗住抄罰抄，先至發現本手冊夾左係本書度，本書仲要借左比個死人頭！！
阿森（ｏ岩ｏ岩返到黎聽到）：你講邊個係死人頭呀？！怪獸！
小海：係呀！我係怪獸呀！我宜家話緊你係死人頭呀！三木杉！
阿森：你講咩呀！你個海怪丫！
小海：你？！你好野！！

阿天：藍藍，早晨呀
藍藍：早．．早．．早晨，食．．左早餐未呀？\r
阿天：未呀，好鬼死肚餓呀．．．小食亭又未開喎
藍藍：ｅｒ．．我．．呢度有早餐呀．．你食唔食呀？\r
阿天：真係ｇａ！多謝你呀！但係你呢？
藍藍：我食左喇．．
阿天：咁多謝晒你呀！
藍藍：唔使咁客氣．．．．

阿豪：丹子．．．早晨
丹子（望住阿豪方向）：早晨呀！．．．阿鋒
阿豪另轉面一望．．．阿鋒係佢後面入緊課室．．．\r
阿鋒：丹子早晨呀
丹子即刻走去阿鋒度同佢傾計，笑得好開心．．．．\r
阿豪：唉．．．原來佢已經心有所屬．．\r

小海：藍藍．．．我份早餐呢．．．？\r
藍藍：啞．．．（死喇．．比左阿天食添）
小海：係邊呀？．．我餓死喇．．．
阿天：靚女，未食野呀？我呢度有喎，要唔要ｄ呀？
小海：咦．．呢ｄ咪係．．．（望住藍藍）
藍藍：對唔住呀．．．（細細聲講）
小海：唉．．個個都有異性冇人性喇．．．有仔得啦．．．餓死我把啦．．．
阿傑：喂喂喂．．你點會咁易死呢．．你仲有我．．．份早餐嘛\r
小海：嘩！阿傑．．．都係你最好呀．．．多謝晒你呀．．恩公．．．
阿傑：小心ｄ食啦．．因住咽親呀∼我去搵老師先∼
小海：我會ｇａ喇∼你去啦

發表於 27-1-2006 12:57 PM   資料  短消息 

阿傑走左出課室，乞人憎既阿森又黎喇．．．．

阿森：咦ｅ∼有早餐食∼∼（拎左小海一件３文治）\r

小海：喂！比返我呀！

阿森：喂，你唔係咁孤寒呀，食你一件咋ｗｏｒ（食晒件３文治喇）

小海：仲好講，最衰都係你呀，如果唔係你，我就唔使餓親啦

阿森：做咩呀？你掛住我得滯，食唔落呀？

小海：乜你份人咁唔要面既？！

阿森：咩唔要面呀？！係你自己話因為我，你先餓親咋ｗｏｒ

小海：係因為你呀！因為你激到我食唔落呀！

阿森：最多今日ｌｕｎｃｈ請你食飯喇

小海：喂，聽講我同你唔係好熟咋ｗｏｒ

阿森：係唔熟呀，但係見你尋日咁∼好∼心∼借∼本∼書比我，先勉強陪你食飯咋

小海：你發夢啦！！見到你冇話食丫∼胃都反埋呀！

阿森：喂！你知唔知有幾多女仔想我同佢地食飯ｇａ！咁不識抬舉既你！\r

小海：咁你又知唔知好多男仔想請我食飯，我都唔肯呀！你簡直妙想天開啦！！

阿森：係咪咁多男仔追你呀？！你咁既海怪樣∼

小海：咁又係咪咁多女仔搶你呀？你咁既三木杉！！

丹子：小海！！

小海：咩事呀？

丹子：你ｄ奪命追魂信呀！

阿森：．．．咩話？呢ｄ情信係比佢既？（呆左）睇死都係自己寫比自己嫁啦∼（笑笑口講）\r

小海：你講咩話？！我使唔使咁呀？！？！？！（嬲到爆炸）

阿傑：做咩事呀？！（返左黎喇）

藍藍：傑．．．周日森話寫比海既情信，都係海自己寫比自己係度扮野呀．．．

阿傑：喂，周日森！你唔好咁過份ｗｏｒ，聽講你都係黎左呢間學校兩日咋ｗｏｒ，唔好係度惹事呀

阿森：做咩事呀你？！宜家我講緊你咩？！

阿傑：你屈小海就唔得！！

阿森：你係佢邊個呀？！關你咩事呀？！你鍾意佢\呀？

阿傑：你痴線ｇａ！你講咩呀？咩鍾意唔鍾意呀！都唔知你講咩（行開左）

阿森：做咩呀？！心虛走左去呀？！

小海：喂！你唔好咁過份呀下！我唔准你咁話我朋友呀！

藍藍：咪係囉．．海，返埋位喇（藍拉住海走左）

阿森：做咩姐．．．我都係講下笑之嘛．．．（望住兩個老友）

阿天：森，你又係既，做咩無啦啦得罪人地姐

阿豪：咪係囉，返左兩日學咋．．．唉．．．

阿森：喂．．．你地做咩姐．．．我玩下之嘛

阿天，阿豪：玩？！好過火ｗｏｒ∼ 　

發表於 27-1-2006 12:57 PM   資料  短消息 

阿森返到屋企，沖完涼，食完飯就開著左部電腦喇．．．

黑翼：ｈｉ呀

海天使：咦∼你第一次主動ｈｉ我喎．．．

黑翼：下．．係咩？

海天使：係呀．．．轉死性呀？

黑翼：哈哈∼係掛∼∼係呢∼今日你個新同學點呀？

海天使：嘩！講起佢真係火爆呀！佢\講ｄ野好過份ｇａ！

黑翼：哈∼佢又激嬲你呀？個新同學咁衰ｇｅ？\r

海天使：係囉！我都未見過ｄ人咁衰ｇａ！！

黑翼：算啦∼唔好講佢喇．．．仲有咩事想講呀？\r

海天使：冇喇．．．你做咩呀？今日咁唔同既？

黑翼：下．．冇呀．．想問你ｄ野呀．．

海天使：．．．．你問丫．．．．

黑翼：你唔好笑我ｗｏｒ．．．

海天使：我一定唔會笑你．．．．

黑翼：ｕｍ．．我果班有個女仔，唔知點解，我次次見到佢都想激嬲佢\嫁，
　　　
　　　但係我今日又好似做得好過份喎．．．

海天使：有幾過份呀？

黑翼：總之好過份啦．．．你係女仔．．．你可唔可以教我哄返佢呀？\r

海天使：．．．做咩咁緊張佢ｇｅ？你．．女朋友呀？\r

黑翼：梗係唔係啦！佢點會係我女朋友呀？！只不過係．．．\r

海天使：係咩呀？

黑翼：咁激嬲左人．．．點都要哄返佢ｇａ嘛．．．唔係咩？\r

海天使：係．．．但係你好似好緊張咁既？

黑翼：唔知呀．．我一直都冇拍拖．．亦冇試過鍾意人．．因為覺得ｄ女仔好煩．．

　　　好討厭．．但係唔知點解．．就係好想同佢玩．．想佢\注意我．．．．

　　　總之覺得同佢玩既感覺好奇怪啦．．\r

海天使：哦．．．可能你鍾意左佢呢．．\r

黑翼：下．．唔係掛．．．邊有可能呢．．可能佢似男仔頭．．我當佢\係兄弟姐．．應該

海天使：哈哈．．我唔知喇．．我有事做．．再見

阿森心諗：點解今日佢咁既．．都未傾完就趕住ｏｆｆ喇∼平時都唔係ｇａ．．\r

　　　　　做咩事呢？連再見都唔等我講埋既．．佢今日返學唔開心呀？丫！\r

　　　　　一定係我掛住講自己，冇理到佢啦．．聽日都要同佢\道歉喇

發表於 27-1-2006 12:58 PM   資料  短消息 

第二日返學既時候．．．．

阿森：唔該我要兩份芝腿治（芝士火腿三文治）丫

老闆：好呀，買唔買野飲呀，靚仔

阿森：都好喎，比多兩盒朱奶（朱古力奶）我丫

老闆：好呀，二十二蚊丫

阿森：拿

老闆：多謝晒

阿森（想走，但又返轉頭）：呀．．老闆．．

老闆：做咩呀？仲想要咩呀？

阿森：我想請教你一ｄ野呀

老闆：問丫，歡迎呀

阿森：咁呢．．如果激嬲左個女仔．．但係又唔係好熟．．．

　　　但又好似好熟咁．．呀．．總之就係激嬲左人啦，咁應該點做呀？

老闆：哦．．．激親女朋友呀，易啦

阿森：即係點呀？

老闆：想當年我追我老婆果陣，都成日激嬲佢ｇａ，但係我就冇哄返佢\，

　　　冇左佢仲有大把女追喎，你都知嫁啦，我咁靚仔，係咪先？哈哈，\r

　　　梗多女人搶啦．．．果陣威風喇．．．．．

阿森：哈哈．．．老闆我都係走喇．．我趕住返課室呀．．．（早走早著）

老闆：我都未講到戲玉．．．

阿森：下次啦．．．下次啦．．．（跑住返上去）好彩走得快．．．

發表於 27-1-2006 12:58 PM   資料  短消息 

係樓梯口．．．．

阿天：喂！阿森．．趕住去邊呀？

阿森：下．．冇呀．．

阿豪：今日咁早既，仲早過我地兩個喎

阿森：哦∼冇呀．．咁唔想遲到丫嘛，靚仔應該準時先好嫁嘛

阿豪：係咪呀？人地話好男不與女鬥，你又成日走去撩人地小海鬧交

阿天：咪係囉，對人有意思呀？

阿森：喂喂，你兩個夾攻我咁話喇喎

阿豪：邊有呢，我地關心你之嘛

阿森：阿豪，你以前好少野講，好內向嫁，做咩宜家好似開水喉咁既？

阿天：哈哈，你唔知咩，佢同果個咩咩丹坐埋一齊之後，唔使兩日就變到咁喇\r

阿森：哦∼∼唔怪得你一直幫住人地啦∼原來鍾意左人地∼

阿豪：咩姐！邊有呀．．唔好亂講啦∼咁黎做交換生，都應該主動ｄ，唔係點交報告姐

阿森：得嫁喇，我地明嫁喇，阿天可？

阿天：哈哈，兄弟丫嘛，心照心照．．．

阿豪：咩．．咩．．咩姐．．．喂！阿森，點解你有兩份早餐既？\r

阿天：一定係買比我嫁喇，估唔到你咁好，知我一定未食早餐喇，多謝晒\r

阿森：邊個話比你嫁，比小．．．自己食ｇａ！

阿豪：比邊個呀？小咩呀？？

阿森：邊有姐，我自己食之嘛．．

阿天：唉．．心淡喇．．仲話兄弟喎．．．

阿豪：係囉，有早餐食都唔預我地．．．\r

阿天：你兩個返左三日學，就追到女仔．．我呢．．唉．．

阿森：你有呀．．．呢∼∼

發表於 27-1-2006 12:59 PM   資料  短消息 

返到課室．．．．

藍藍：天，早晨呀．．．你唔介意我咁叫你嫁可．．？

阿天：早晨呀∼∼唔介意，你鍾意就得喇（招牌笑容）

藍藍：ｕｍ．．你今日未食早餐ｇａ可？\r

阿天：未呀．．．

藍藍：唔．．．．請你食早餐丫．．．\r

阿天：嘩！你真係又靚，又細心，又溫柔呀，如果識得你耐ｄ，真係會鍾意你呀！（一路食一路講）

藍藍：下．．．係咩．．．我去一去廁所先．．．（面紅晒）

藍藍好快咁行出課室．．唔係行係跑．．唔係唔係．．．係衝出去

小海：藍藍，早．．．

藍藍一枝箭標左出去喇．．．．

小海：丹子呀．．

丹子：咩呀？

小海：你見唔見到呀？

丹子：咩呀？

小海：藍藍第一次跑得咁快咋．．

丹子：咩呀？

小海：佢發生咩事呀？\r

丹子：好型仔呀．．．．

小海：你講咩呀？！

丹子：好型呀．．．

小海：喂！丹子，你做咩事呀？喂！丹子！（望住丹子望緊果度）

丹子：下！咩．．咩呀！早晨呀∼海

小海：哦．．原來係咁．．．

丹子：咩呀？

小海：原來你鍾意黃一鋒．．．∼

丹子：咩呀，邊有姐．．．

小海：做咩鍾意佢既？\r

丹子：我都話冇ｌｏｒ

小海：佢成日都唔出聲，自閉咁款嫁喎，你頂唔頂到呀？\r

丹子：佢唔係自閉呀！只係唔鍾意同人講野之嘛\r

小海：拿拿拿∼∼你仲話唔係鍾意人？！

丹子：我都話冇ｌｏｒ，咦！費事彩你呀！（好快走開）

藍藍（回來了）：喂！丹子！你去邊呀？！小海，丹子做咩呀？

小海：我問你地兩個做咩就真呀！

藍藍：下．．又關我事呀？

小海：你講，你頭先做咩面紅紅咁呀？！

藍藍：真係好紅呀？！

小海：係呀！！

藍藍：死喇！死喇！！唔知阿天見唔見到呢，比佢知我鍾．．（即刻望住小海）\r

小海：哦∼鬼拍後尾枕，原來你鍾意左新同學二號！

藍藍：噓！！！！唔好咁大聲啦．．．

小海：咩姐，同佢講囉\r

藍藍：唔得ｇａ．．．識左人地幾日之嘛．．嚇親人嫁

小海：你都識講呀，識人幾日之嘛，就鍾意人啦！

藍藍：咁．．．咁我點知點解姐．．鍾意就鍾意嫁啦．．．（低頭，越講越細聲．．）

小海：你兩個就好啦．．．可以日日見住自己鍾意既人．．．

藍藍，丹子：小海！你有鍾意既人呀？！（丹子防不勝防返左黎．．）

小海：噓！！！！細聲ｄ啦∼（望下周圍有冇人望住）

丹子：邊個黎ｇａ？！

小海：唉．．．一匹布咁長．．．
另一邊．．．．．

阿森：喂，你地估下果三隻怪獸講緊咩丫拿．．

阿豪：喂，你好喇喎，仲叫人地做怪獸，你唔好惹事喇，想被校長趕我地走咩

阿天：咪係囉．係喎，你地頭先話我都有，有邊個呀？

阿森：你咁都仲唔明呀？

阿天：咩姐？

阿豪：仲愧你溝女無數，咁都唔知．．唉．．可悲．．．\r

阿天：點解今日你地講既野咁玄既．．．即係邊個姐？

阿森：頭先邊個請你食早餐呀？\r

阿天：姚藍囉．．．．．下！佢鍾意我！？\r

阿森，阿豪：噓！！！！

阿天：唔怪之得，佢對我咁好啦．．我真係好有魅力呀下．．哈哈．．\r

阿森：咁你對人有冇意思呀？

阿天：傻啦．．．我唔會鍾意佢嫁．．．\r

阿豪：下？！點解呀？！人地心地咁好又靚又．．．

阿天：夠喇！唔好再講喇，總之我唔會接受佢嫁喇！（行開）\r

阿森：做咩事呢佢？\r

阿豪：我諗．．．唔會係因為果件事掛．．．

阿森：你話果件事呀？！